ਜਲੰਧਰ ਹਾਈਟਸ ਵਿਖੇ ਡਾਰਕ ਹਾਰਸ ਅਤੇ ਵਾਰੀਅਰਜ਼ ਗਰੁੱਪ ਵਿਚਕਾਰ ਦੋਸਤਾਨਾ ਕ੍ਰਿਕਟ ਮੈਚ ਖੇਡਿਆ ਗਿਆ
– ‘ਆਪ’ ਪ੍ਰਧਾਨ ਸੁਰਿੰਦਰ ਸਿੰਘ ਸੋਢੀ ਨੇ ਸਾਰੇ ਖਿਡਾਰੀਆਂ ਨੂੰ ਕੀਤਾ ਸਨਮਾਨਿਤ
ਜਲੰਧਰ, 12 ਜੂਨ 2022 : ਰਿਹਾਇਸ਼ੀ ਸੁਸਾਇਟੀ, ਜਲੰਧਰ ਹਾਈਟਸ ਵਿਖੇ ਦੋ ਕ੍ਰਿਕਟ ਟੀਮਾਂ ਡਾਰਕ ਹਾਰਸ ਅਤੇ ਵਾਰੀਅਰਜ਼ ਗਰੁੱਪ ਵਿਚਕਾਰ ਇੱਕ ਦੋਸਤਾਨਾ ਕ੍ਰਿਕਟ ਮੈਚ ਖੇਡਿਆ ਗਿਆ, ਜਿੱਥੇ ਟੀਮ ਵਾਰੀਅਰਜ਼ ਨੇ ਸ਼ਾਨਦਾਰ ਰਣਨੀਤੀ ਨਾਲ ਮੈਚ ਆਪਣੇ ਨਾਂ ਕੀਤਾ ।
ਆਮ ਆਦਮੀ ਪਾਰਟੀ ਦੇ ਪ੍ਰਧਾਨ ਸੁਰਿੰਦਰ ਸਿੰਘ ਸੋਢੀ (ਸੇਵਾਮੁਕਤ ਆਈਪੀਐਸ) ਨੇ ਸਮਾਗਮ ਵਿੱਚ ਮੁੱਖ ਮਹਿਮਾਨ ਵਜੋਂ ਸਿਰਕਤ ਕੀਤੀ ਅਤੇ ਲੋਕਾਂ ਨੂੰ ਸਰੀਰਕ ਅਤੇ ਮਾਨਸਿਕ ਤੰਦਰੁਸਤੀ ਲਈ ਖੇਡਾਂ ਨੂੰ ਆਪਣੇ ਜੀਵਨ ਦਾ ਅਨਿੱਖੜਵਾਂ ਅੰਗ ਬਣਾਉਣ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਕੋਵਿਡ ਮਹਾਂਮਾਰੀ ਨੇ ਸਾਨੂੰ ਵੱਖ-ਵੱਖ ਸਬਕ ਸਿਖਾਏ ਹਨ ਅਤੇ ਸਾਡਾ ਸਭ ਤੋਂ ਪਹਿਲਾਂ ਫਰਜ਼ ਆਪਣੀ ਸਿਹਤ ਦਾ ਚੰਗੀ ਤਰ੍ਹਾਂ ਨਾਲ ਧਿਆਨ ਰੱਖਣਾ ਹੈ। ਉਨ੍ਹਾਂ ਕਿਹਾ ਕਿ ਖੇਡ ਗਤੀਵਿਧੀਆਂ ਵਿਅਕਤੀ ਦੀ ਚੰਗੀ ਸਿਹਤ ਨੂੰ ਯਕੀਨੀ ਬਣਾਉਣ ਲਈ ਉਤਪ੍ਰੇਰਕ ਦਾ ਕੰਮ ਕਰਦੀਆਂ ਹਨ ਅਤੇ ਬਿਮਾਰੀਆਂ ਨਾਲ ਲੜਨ ਲਈ ਸਾਡੀ ਊਰਜਾ ਨੂੰ ਹੁਲਾਰਾ ਦਿੰਦੀਆਂ ਹਨ।
ਉਨ੍ਹਾਂ ਅੱਗੇ ਕਿਹਾ ਕਿ ਤੰਦਰੁਸਤ ਸਰੀਰ ਅਤੇ ਤੰਦਰੁਸਤ ਦਿਮਾਗ ਲਈ ਖੇਡਾਂ ਮਨੁੱਖੀ ਜੀਵਨ ਦਾ ਅਨਿੱਖੜਵਾਂ ਅੰਗ ਬਣ ਜਾਂਦੀਆਂ ਹਨ। ਉਹਨਾਂ ਨਾਲ ਹੀ ਕਿਹਾ ਕਿ ਮੈਦਾਨ ਵਿੱਚ ਹੋਣਾ ਨਾ ਸਿਰਫ਼ ਸਾਨੂੰ ਇੱਕਜੁਟ ਹੋਕੇ ਲੜਨਾ ਸਿਖਾਉਂਦਾ ਹੈ ਬਲਕਿ ਤਣਾਅ ਭਰੇ ਮਾਹੌਲ ਵਿੱਚ ਲਗਨ ਨਾਲ ਖੇਡਣ ਦੇ ਹੁਨਰ ਨੂੰ ਵੀ ਨਿਖਾਰਦਾ ਹੈ। ਉਨ੍ਹਾਂ ਕਿਹਾ ਕਿ ਅਜੋਕੇ ਸਮੇਂ ਜਦੋਂ ਤਣਾਅਪੂਰਨ ਜੀਵਨ ਅਤੇ ਜੀਵਨ ਸ਼ੈਲੀ ਦੀਆਂ ਬਿਮਾਰੀਆਂ ਮਨੁੱਖੀ ਜੀਵਨ ਲਈ ਗੰਭੀਰ ਖਤਰਾ ਪੈਦਾ ਕਰ ਰਹੀਆਂ ਹਨ ਤਾਂ ਖੇਡਾਂ ਰਾਜ ਨੂੰ ਰੋਗ ਮੁਕਤ ਅਤੇ ਸਿਹਤਮੰਦ ਬਣਾਉਣ ਵਿੱਚ ਬਹੁਤ ਸਹਾਈ ਹੋ ਸਕਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਇਹ ਸਮੇਂ ਦੀ ਲੋੜ ਹੈ ਕਿ ਹਰ ਸਮਾਜ ਸੇਵੀ ਸੰਸਥਾ ਅਜਿਹੇ ਤਣਾਅਪੂਰਨ ਸਮਾਗਮਾਂ ਨਾਲ ਸੇਵਾ ਕਰਨ ਲਈ ਅੱਗੇ ਆਵੇ।
ਇਸ ਤੋਂ ਪਹਿਲਾਂ ਸੋਢੀ ਦਾ ਸਵਾਗਤ ਕਰਦਿਆਂ ਵਾਰੀਅਰ ਗਰੁੱਪ ਦੇ ਪ੍ਰਧਾਨ ਵਰੁਣ ਕੋਹਲੀ ਅਤੇ ਰਜਿੰਦਰ ਰਾਜਾ ਨੇ ਉਨ੍ਹਾਂ ਨੂੰ ਐਨ.ਜੀ.ਓ ਵੱਲੋਂ ਕੀਤੇ ਜਾ ਰਹੇ ਹੋਰ ਲੋਕ ਭਲਾਈ ਦੇ ਕੰਮਾਂ ਬਾਰੇ ਜਾਣਕਾਰੀ ਦਿੱਤੀ। ਕੋਹਲੀ ਨੇ ਕਿਹਾ ਕਿ ਐਨਜੀਓ ਲੋਕਾਂ ਦੀ ਭਲਾਈ ਲਈ ਵਚਨਬੱਧ ਹੈ ਅਤੇ ਇਸ ਲਈ ਕੋਈ ਕਸਰ ਬਾਕੀ ਨਹੀਂ ਛੱਡੀ ਜਾਵੇਗੀ। ਨਾਲ ਹੀ ਰਜਿੰਦਰ ਰਾਜਾ ਨੇ ਟੀਮ ਵਾਰੀਅਰਜ਼ ਦੇ ਕਪਤਾਨ ਸੁਮਿਤ (29), ਉਪ ਕਪਤਾਨ ਤਰੁਣ (27), ਸੋਮੇਨ ਗੋਇਲ (24), ਹਰਸ਼ (24) ਅਤੇ ਹੋਰਾਂ ਨੂੰ ਟੀਮ ਦੀ ਵੱਡੀ ਸਫਲਤਾ ਲਈ ਵਧਾਈ ਦਿੱਤੀ।
ਇਸ ਮੌਕੇ ਪ੍ਰਧਾਨ ਸੋਢੀ ਨੇ ਮੈਚ ਤੋਂ ਬਾਅਦ ਸਾਰੇ ਖਿਡਾਰੀਆਂ ਨੂੰ ਸਨਮਾਨਿਤ ਕੀਤਾ ਅਤੇ ਉਨ੍ਹਾਂ ਨਾਲ ਤਸਵੀਰਾਂ ਖਿਚਵਾਈਆਂ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਪ੍ਰਧਾਨ ਵਰੁਣ ਕੋਹਲੀ, ਰਜਿੰਦਰ ਰਾਜਾ, ਐਸ.ਕੇ ਮਿਸ਼ਰਾ, ਕਮਲ ਸਹਿਗਲ, ਤਜਿੰਦਰ ਸਿੰਘ, ਅਨਿਲ ਚੱਢਾ, ਸ਼ਮੀਲ ਮੈਨਨ, ਮਨਪ੍ਰੀਤ ਸਿੰਘ ਗਾਬਾ, ਅਨੁਦੀਪ ਬਜਾਜ, ਰਾਕੇਸ਼ ਕੁਮਾਰ, ਸੰਜੀਵ ਅਰੋੜਾ, ਵਿਸ਼ਾਲ ਗੁੰਬਰ, ਵਿਸ਼ਾਲ ਚੱਢਾ, ਦਵਿੰਦਰ ਸੈਣੀ, ਨਿਤਿਨ ਪੁਰੀ, ਅੰਕੁਰ ਧੂਰੀਆ, ਸੰਜੀਵ ਕਲਸੀ, ਸੰਜੀਵ ਆਹੂਜਾ, ਬੌਬੀ ਗੁਲਾਟੀ, ਵਿਕਾਸ ਸ਼ਰਮਾ ਅਤੇ ਬੌਬੀ ਰਤਨ ਹਾਜ਼ਿਰ ਸਨ ।
About The Author
